Presidenti amerikan, Barack Obama, sipas një njoftimi të Shtëpisë së Bardhë telefonoi kancelaren gjermane, Angela Merkel së cilës i ka shprehur vlerësimin e tij për punën që shefja e qeverisë gjermane është duke bërë për të menaxhuar krizën e emigrantëve.
Obama ka përgëzuar Merkelin për përkushtimin e saj në krizën e migrantëve në Evropë, duke përmendur në veçanti disa nga vendimet e saj të fundit, për të lehtësuar barrën mbi shtetet kufitare, duke siguruar strehë për refugjatët sirianë.
Në një deklaratë të Shtëpisë së Bardhë, thuhet se Obama ka përshëndetur pozicionimin e Merkel kundër ekstremistëve të djathtë që protestojnë kundër refugjatëve.
Evropa është duke u ballafaquar me krizën më të rëndë të refugjatëve që nga Lufta e Dytë Botërore, pasi njerëzit po ikin nga konflikti dhe varfëria në Lindje të Mesme, Afrikë dhe Azi.
Presidenti amerikan Barack Obama bisedoi me kancelaren gjermane edhe për përshkallëzimin e fundit të dhunës në lindje të Ukrainës. /tesheshi.com/
