Presidenti Barack Obama dënoi sulmin në Suruc, në lindje të Turqisë, gjatë një telefonate me presidentin turk, Recep Tayyip Erdogan, njoftoi Shtëpia e Bardhë.
Sulmi kamikaz në Suruc vrau 32 persona, aktivistë që kërkonin rindërtimin e qytetit të shkatërruar nga lufta, Kobani. Sulmi i 20 Korrikut ka marrë autorësinë e grupit Daesh.
Të mërkurën, dy policë u vranë në qytetin e Ceylanpinar në një sulm të pretenduar nga partia e jashtëligjshme e Punëtorëve të Kurdistanit.
Gjatë bisedës me Erdogan, Obama foli, sic njofton agjencia Anadolu, për “thellimin e bashkëpunimit në luftën ndaj Shtetit Islamik dhe përpjekjeve të përbashkëta për të sjellë siguri dhe stabilitet në Irak dhe për një marrëveshje politike në konfliktin sirian”.
Obama dhe Erdogan gjithashtu diskutuan edhe për fluksin e luftëtarëve të huaj dhe sigurinë në kufirin e Turqisë me Sirinë. Obama “riafirmoi angazhimin e Shteteve të Bashkuara ndaj sigurisë kombëtare të Turqisë”. Dy liderët u zotuan të vijojnë bashkëpunimin e ngushtë mes tyre. /tesheshi/
