Presidenti amerikan e ka të qartë se kush është basketbollisti më i mirë i të gjitha kohëve. Barack Obama i është përgjigjur një pyetjeje mjaft interesante në rrjetin social twitter, për të bërë zgjedhjen ndërmjet Michael Jordan-it, LeBron James-it dhe Kobe Bryant-it.
“Më pëlqejnë të tre, mirëpo si një simpatizues i Chicago Bulls-it, më duhet të zgjedh MJ-në (Michael Jordan-in)”, ka qenë përgjigjja e presidentit.
Obama është një ndjekës i rregullt i ligës profesionale amerikane të basketbollit, NBA. Madje, ai pritet të marrë pjesë në ndeshjen mes yjeve të lindjes dhe perëndimit, duel ky që zhvillohet në mesin e muajit shkurt. /tesheshi.com/
