“Afrika është në lëvizje, vrapon: varfëria po zvogëlohet, të ardhurat po shtohen dhe klasa e mesme po rritet”. Kështu komentoi presidenti amerikan Barack Obama në një samit të sipërmarrësve në Najrobi, sipas raportimeve të medias ndërkombëtare.
Ky është udhëtimi i parë i Obamës si president i SHBA-ve në Kenia. Ai ka përshëndetur kenianët duke thënë se vendi ka bërë progress të paimagjinueshëm. “Jam krenar për ju”, tha ai.
“Kur isha në Najrobi dhjetë vjet më parë, ishte një qytet krejt tjetër”, tha Obama, duke shtuar se pret gjëra të mëdha nga Afrika. /tesheshi/
