Presidenti amerikan, Barack Obama nxiti sërish miratimin e marrëveshjes bërthamore me Iranin, duke e përkufizuar votimin për heqjen e sanksioneve si një votë për luftë ose për paqe.
Ai i bëri këto komente ndërsa mbajti një fjalim në Universitetin Amerikan në Uashington.
Ligjvënësit në Kongres, si raportohet në median ndërkombëtare kanë presion të madh nga grupet izraelite të interesit për ta refuzuar marrëveshjen.
Fjalimi i Obamës shihet si një përpjekje ndërsa përgatitet votimi në Kongres i marrëveshjes. Obama e përkufizoi votën kundër si votë lufte ndërsa kryeministri izraelit, Benjamin Netanjahu hodhi poshtë këtë nocion. Në vend të kësaj, ai tha se vota pro marrëveshjes është votë për luftë.
“Do të nxisë garën e armëve bërthamore”, tha Netanjahu duke shtuar se marrëveshja do të ushqejë terrorizmin dhe agresionin e Iranit, në ndoshta, luftën më të tmerrshme të të gjithave.
Nga ana e tij, Obama dhe zëvendëspresidenti Biden takuan edhe liderët hebrenj në Amerikë për të qetësuar shqetësimin e tyre, ndërsa sekretari amerikan i Shtetit John Kerry ka dëshmuar përpara disa komiteteve të Kongresit në favor të marrëveshjes. /tesheshi.com/
