Presidenti në ikje, Barack Obama i garantoi shtetit grek mbështetjen e Amerikës, për të përballuar krizën e emigrantëve. Pas mbërritjes së tij në Athinë, ai u prit fillimisht në pallatin presidencial nga kreu i këtij institucioni, Prokopis Pavlopoulos. Shefi i Shtëpisë së Bardhë tha se ka zhvillime pozitive në Greqi, edhe pse sipas tij ka ende shumë punë për të bërë. “Jemi të lumtur që fillon një fazë e re dhe situata po përmirësohet. Ka ende shumë sfida për të kaluar, por së bashku krah për krah do të përballemi me to”, tha Obama, ndërsa vlerësoi mënyrën se si ka trajtuar emigrantët, duke kërkuar më shumë bashkëpunim për menaxhimin e kësaj situate.
Presidenti grek falenderoi Obamën për mbështetjen e SHBA në krizën greke dhe shprehu bindjen se të njëjtën mbështetje do të ketë sërish prej Presidentit të sapo zgjedhur Donald Trump. “Popujt tanë janë të lidhur me njjëri tjetrin, nga miqësia dhe bashkëpunimi. Jam i sigurt se edhe pasardhësi juaj do të ecë me këto hapa”, tha Pavlopoulos, teksa kërkoi zgjidhjen e ceshtjes së Qipros, në përputhje me traktatin e Lozanës.
Obama u prit edhe kryeministri grek, Tsipras. Ai garantoi se ceshtja e ndeshjme për Qipron do të gjejë zgjidhje, në sajë të bashkëpunimit mes Greqisë dhe Turqisë. Para mediave Obama u shpreh: “Mesazhi im për pjesën tjetër të Evropës është se me masa shtrenguese nuk mund rtë sjellin asnjëherë prosperitet”.
Gjatë dy ditëve të qëndrimit në Greqi, presidenti amerikan do të mbajë një fjalim për politikën e jashtme si dhe do të vizitojë Akropolin.
Vizita e Obamës, i cili është dhe presidenti i katërt amerikan që shkon në Greqi, pas Ajzenahauerit, Bushit të madh dhe Klintonit, e ka blinduar Athinën me masa të rrepta sigurie./tesheshi.com
