Presidenti amerikan Barak Obama dhe kancelarja gjermane Angela Merkel, theksuan nevojën që Greqia t`i rikthehet rrugës së reformave dhe rritjes ekonomike brenda eurozonës. Deklaratat erdhën në një kohë kur kreditorët e Athinës njoftuan mbylljen e derës së negociatave pas vendimit të saj për të mbajtur një referendum mbi kërkesat e tyre financiare.
Presidenca amerikane tha në një deklaratë se vazhdon të zhvillojnë biseda telefonike rreth krizës greke, dhe se Obama me Merkelin kanë rënë dakord mbi “rëndësinë e madhe që Greqia të marrë të gjitha masat për t’u kthyer në rrugën e reformave të reja dhe zhvillimit ekonomik brenda eurozonës.”
Po ashtu, sekretari i Thesarit amerikan, nga ana e tij u bëri thirrje të gjitha palëve që të vazhdojnë të punojnë për të gjetur një zgjidhje, sidomos duke diskutuar “një lehtësim të mundshëm të borxhit”, duke shtuar se është në interes të Greqisë, Evropës dhe ekonominë globale, që të arrijnë një zgjidhje të përhershme të krizës, duke i bëri thirrje Athinës që të bie dakord me procedurat “e ashpra”.
Greqia i është drejtur një skenari të përshkruar si katastrofik, i cili kërcënon që ta nxjerrë atë nga eurozona. Të premten në mbrëmje qeveria Tsipras njoftoi se do të kryejë një referendum mbi kërkesat e kreditorëve të cilët ia mbyllën asaj derën e negociatave.
Kryeministri grek Aleksis Tsipras, ka shpallur mbylljen e përkohshme të bankave, duke theksuar se me këtë synojnë të marrin masat të nevojshme për të kontrolluar lëvizjen e kapitalit.
Burimi: Reuters
