Barack Obama dhe Angela Merkel kanë darkuar mbrëmjen e djeshme në restorantin e hotelit Adlon në Berlin. Presidenti i SHBA-ve dhe kancelarja kanë biseduar larg kamerave dhe gazetarëve dhe nuk kanë dhënë asnjëdetaj në lidhje me bisedën e tyre private, e cila ka qenë informale.
Ajo që është bërë me dije nga mediat është se menyja përmbante salsiçe me salcë kerry, e cila është salsiçja tradicionale e Berlinit. Takimi mes tyre ka zgjatur tre orë.
Ditën e dytë në Berlin, pra sot, Obama ka në axhendë që të takohet rreth orës 15:15 me kancelaren Merkel dhe rreth orës 16:45 do të dalin të dy në një konferencë për shtyp.
Për nesër parashikohet që Obama e Merkel të takohen me kryeministrin italian Matteo Renzi, me presidentin francez Francois Hollande, kryeministren britanike Theresa May dhe kreun e qeverisë spanjolle, Mariano Rajoy.
Ditën në vijim Obama do të fluturojë për në Peru./tesheshi.com/
