Barack Obama, presidenti i parë më ngjyrë i Shteteve të Bashkuara ka pushtuar imagjinatën e njerëzve në të gjithë kontinentin afrikan, ku Obama-mania performon fuqishëm edhe tani, që ai po i afrohet fundit të Presidencës. Fytyra e tij shihet në billborde, çanta shpine, T-shirt apo restorante.
Këtë javë, Obama viziton Kenian, vendin ku ka lindur i ati, për një samit për sipërmarrjen e më pas shkon në Etiopi për të mbajtur një fjalim në selinë e Unionit Afrikan.
Kudo që do të shkojë, pritet ta ndjekin turma të mëdha. Në të gjithë Afrikën, emri i presidentit mund të gjendet në vende nga më të larmishmet.
Në qytetin kenian ku jeton ende stërgjyshja e tij, në afërsi të liqenit Viktoria, shkolla e mesme quhet “Senatori Obama”, emër që mbeti nga vizita e tij e 2006 përpara se të bëhej president.
Në qytetin bregdetar Conakry, në Guine, një kasolle kashte mburret me emrin që ka vënë, restoranti “Obama”.
Një nga vlerësimet më të mëdha, është fotografia e Obamës në krah të ish-presidentit afrikanojugor dhe liderit kundër Apartajedit në Afrikën e Jugut, Nelson Mandela në hyrje të klinikës së Pretorias, ku ishte i shtruar Mandela. /tesheshi/
