Libia është gabimi më i madh i presidencës time. Kështu ka deklaruar kreu i Shtëpisë së Bardhë Barak Obama, referuar situatës në Libi dhe dështimit të Shteteve të Bashkuara për tu përgatitur mbi pasojat që do të sillte rënia e diktatorit Muammar Gaddafi.
Gjatë një interviste për Fox Neës, ku ka folur për atë që ka arritur dhe nuk ka arritur të bëjë gjatë presidencës së tij, Obama megjithatë është shprehur se ndërhyrja në Libi ishte diçka e drejtë që duhej bërë. Kjo nuk është hera e parë që Presidenti Obama ka shprehur keqardhje mbi situatën në Libi.
Muajin e kaluar, në një tjetër intervistë mediatike, ai tha se operacioni në Libi ishte zhvilluar ashtu siç ai kishte shpresuar, por që tashme ky vend ndodhet në kaos total. Në këtë intervistë ai kritikoi Francën dhe Britaninë e Madhe, në mënyrë të veçantë kryeministrin britanik David Cameron, duke thënë se ai u shpërqendrua pas ndërhyrjes. /tesheshi.com/
