“Nuk do të mund të fshiheni dot. Do të jeni ju ata që do të goditeni”. Ky është apeli i lëshuar ndaj liderëve të ISIS nga Barack Obama, i cili u ka rikujtuar përgjegjësve të Shtetit Islamik, të vrarët gjatë muajve të fundit.
“Liderët e ISIS nuk do të mund të fshihen më dhe mesazhi ynë është i thjeshtë: ju do të jeni të ardhmit”,- ka thënë presidenti amerikan. “ISIS ka humbur rreth 40% të zonave që kontrollonte në Irak”,- shton Obama gjatë mbledhjes së Pentagonit në Këshillin e Sigurisë Kombëtare.
“I kemi goditur në zemër dhe do t’jua vështirësojmë gjithmonë e më shumë rrugën e përhapjes së tyre në botë”,- vijon Obama, duke nënvizuar se lufta është bërë e vështirë pasi ‘militantët e shtetit islamik maskohen si pjesë e shoqërisë civile dhe na duhet t’i godasim me precizion ekstrem, si precizioni kirurgjik”.
“Lufta ndaj ISIS është e vështirë, por të gjithë aleatët tanë janë gati të bëjnë më shumë në këtë luftë. Ndërkohë që Shtetet e Bashkuara po luftojnë në këtë luftë, nuk ngelen pas as aleatët tanë si Franca, Gjermania, Mbretëria e Bashkuar, Australia e Italia. Të njëjtën gjë duhet të bëjnë edhe të tjerët.
Kjo është arsyeja pse i kam kërkuar sekretarit të Mbrojtjes, Carter, të shkojë në Lindjen e Mesme, të bashkëpunojë me aleatët për një strategji më të mirë të shpërndarjes së frontit luftarak”,- është shprehur Obama./tesheshi.com/
