Pas disa dekada kundërshtish, emri i malit McKinley, malit më të lartë në Amerikën e Veriut është ndryshuar në favor të versionit origjinal që i kanë vendosur banorët vendas të Alaskës. Mali tashmë do të quhet Denali e që përkthehet si Më i Larti.
Maja me një lartësi prej 6168 metra ishte emërtuar nga një kërkues ari në vitin 1896 pasi ai kishte dëgjuar se Ëilliam McKinley ishte nominuar për president.
Presidenti amerikan, Barack Obama njoftoi ndryshimin e emrit në prag të vizitës treditore që do të zhvillojë në Alaskë për të nënvizuar ndryshimet klimaterike.
“Me ndjesinë e përuljes për këtë vend, zyrtarisht e riemërtojmë malin Denali në vlerësim të traditave të banorëve të Alaskës dhe mbështetjes së fortë të popullit të saj”, tha sekretari i Brendshëm amerikan, Sally Jewell.
Deklarata e tij vijon duke saktësuar se McKinley nuk kishte vënë kurrë këmbë në Alaskë. Ai ishte presidenti i 25-të i Shteteve të Bashkuara i cili u vra në fillim të mandatit të dytë në nisje të viteve 1900.
Alaska është përpjekur me dekadandryshojë merin e malit në Denali, por janë penguar vazhdimisht në nivel federal nga Ohajo, shteti nga kishte prejardhjen McKinley. /tesheshi.com/
