Përfaqësuesit e 195 vendeve miratuan ditën e djeshme në Paris një marrëveshje për ta frenuar ngrohjen globale. E çmuar si një ngjarje historike, marrëveshja parashikon mes të tjerash mbajtjen e rritjes së temperaturës mesatare nën dy gradë celcius.
Udhëheqësit botërorë e kanë parë me shumë entuziazëm këtë marrëveshje, e një prej tyre është presidenti amerikan, Barack Obama.
“Sot populli amerikan mund të jetë krenar, sepse kjo marrëveshje historike është një nderim për udhëheqjen amerikane. Në shtatë vitet e kaluara ne i kemi shndërruar Shtetet e Bashkuara në udhëheqësin global në luftën ndaj ndryshimit të klimës,” kanë qenë fjalët e Obamës.
“Kjo marrëveshje përfaqëson mundësinë më të mirë që ne kemi për ta shpëtuar planetin…,” është shprehur besimplotë presidenti amerikan. /tesheshi.com/
