Në një Uashington të blinduar dhe të ndarë ka ardhur më në fund edhe dita e Donald Trump. Sipërmarrësi njujorkez do të shndërrohet sot në presidentin e 45-të të Shteteve të Bashkuara të Amerikës, duke pasuar në këtë mënyrë presidentin demokrat Barack Obama, i cili ka drejtuar shtetin gjatë tetë viteve të fundit.
Rreth orës 17:30 me orën tonë Donald Trump dhe Barack Obama kanë mbërritur në Capitol Hill për të bërë betimin. Obama ka përshëndetur dhe është fotografuar në krah të Trumpit. Publiku ka shpërthyer në ovacione sapo ata të dy kanë hyrë në Capitol Hill.
“Unë, Zonja e Parë? Është e papërshtatshme ta them. Zonja e Parë është një dhe e vetme dhe ajo do të bëjë gjëra që do të vihen re. Im atë do të jetë presidenti dhe unë do të jem pranë tij që ta mbështes atë si dhe kauzat që ai do të ndërmarrë”, – ka thënë për CNN Ivanka Trump./tesheshi.com/
