Gjermania ka qenë ndalesa e fundit e presidentit amerikan në udhëtimin e tij njëjavor jashtë SHBA-ve. Një pikë e rëndësishme e bisedimeve të tij me kancelaren gjermane ka qenë çështja e marrëveshjes tregtare mes Shteteve të Bashkuara dhe Bashkimit Europian.
Partneriteti Transatlantik i Tregtisë dhe Investimeve (TTIP) ka ndeshur në kundërshti të mëdha, por ndryshe e sheh atë Obama, që është shprehur i kënaqur nga bisedimet me Merkelin mbi këtë temë.
“Angela dhe unë jemi të një mendimi se Shtetet e Bashkuara dhe Bashkimi Europian duhet të vijojnë të bëjnë përpara me negociatat e Partneritetit Transatlantik të Tregtisë dhe Investimeve,” ka deklaruar Obama.
“Nuk parashikoj që do të jemi në gjendje ta kemi përfunduar ratifikimin e një marrëveshjeje nga fundi i vitit, por parashikoj se mund ta kemi përfunduar marrëveshjen.”
Pjesa që e mbështet paktin jep si arsye të aprovimit të tij krijimin e miliona vendeve të reja të punës, e të rritjes së tregtisë me miliarda dollarë, pasi, nëse nënshkruhet marrëveshja, do të kemi të bëjmë me blllokun më të madh tregtar në botë.
Kundërshtarët e TTIP-së e shohin atë si jodemokratik, si një favor që u bëhet kompanive të mëdha për të siguruar më tepër pushtet.
Merkel u shpreh se marrëveshja se do të qe tejet ndihmëse për rritjen ekonomike të Europës. “Eshtë mirë për ekonominë gjermane, është mirë për ekonominë europane,” qenë fjalët e saj. /tesheshi.com/
