Presidenti amerikan dhe ai i Filipineve u takuan jozyrtarisht në Laos, në një samit rajonal, pavarësisht asaj që ngjau në fillim të javës.
Barack Obama dhe Rodrigo Duterte patën një takim të shkurtër përpara se ata të merrnin pjesë në një banket të shkruar me rastin e samitit, ku qëndruan veçmas.
Takimi u konfirmua nga një zyrtar i Shtëpisë së Bardhë, emri i të cilit nuk bëhet i ditur. Ai pohoi se bëhej fjalë për një diskutim të shkurtër, ku janë shkëmbyer shaka.
Sekretari i Marrëdhënieve me Jashtë i Filipineve, Perfecto Yasay, do të pohonte të njëjtën gjë. Duke mos mundur të thotë se sa zgjati takimi jozyrtar, Yasay e shpjegoi kësisoj atë, “Gjithçka vjen nga fakti se marrëdhënia midis Filipineve dhe Shteteve të Bashkuara është e fortë, shumë e fortë. Baza për këtë marrëdhënie është historike, dhe të dy udhëheqësit e kuptojnë këtë.”
Rodrigo Duterte përdori fjalë fyese në fillim të kësaj jave ndaj presidentit amerikan, dukshëm i acaruar. Obama do të anulonte më pas një takim zyrtar të lënë për të martën. Në vjim, Duterte do të shprehte keqardhje për incidentin e për komentet, duke i përshkruar ato si jopersonale. /tesheshi.com/
