Presidenti i SHBA, Barack Obama gjatë fjalimit të tij në Universitetin e Harvardit në Ëashington, ka thënë se Amerika është vend më i mirë nga i para 30 viteve kur ai kishte kryer fakultetin, duke aluduar në zgjedhjen historike të tij për President. Për Obamën, ky fakt është quajtur “një indikator tregues se si kanë ndryshuar pozicionet’’.
Ai ka përkujtuar se në vitin 1983, kur ai ishte diplomuar në Universitetin Columbia, në mesin e drejtorëve ekzekutiv të 500 kompanive më të mëdha, nuk ka pasur asnjë qytetar me ngjyrë.
“Në kohën e diplomimit tim, heroi i vetëm televiziv me ngjyrë ka qenë Mr. T”, ka thënë Obama.
Presidenti amerikan ka thënë më tej “se shumë amerikanë me ngjyrë sot janë producentë, drejtorë ekzekutiv të kompanive, kryebashkiakë, sportistë të njohur, dhe një prej tyre madje ka arritur të zgjidhet edhe president i SHBA”, duke aluduar kështu mbi veten.
Ai ka shtuar “se racizmi dhe pabarazia, janë ende prezente në shoqërinë amerikane”, dhe ka apeluar tek të rinjtë që të punojnë në mënyrë aktive që kjo dukuri të zhduket në tërësi.
Obama konsideron se qytetarët me prejardhje afro-amerikane fitojnë më pak se të bardhët, dhe se në mesin e tyre ka më tepër të papunë. /tesheshi.com/
