Titulli origjinal: Albanian PM: Trump’s Election would Be a Threat
Në më pak se një javë nga vizita e tij në Uashington, Kryeministri i Shqipërisë, Edi Rama, tha se kandidati republikan për president, Donald Trump, do të përbënte një kërcënim për vendin e tij dhe marrëdhëniet dypalëshe Amerikë-Shqipëri nëse zgjidhet president.
Rama e bëri këtë deklaratë gjatë një emisioni në televizionin privat Klan Kosova gjatë të enjtes. Sipas tij, zgjedhja e Trump-it do të krijonte “dëme të mëdha” ndaj Shteteve të Bashkuara, por do të ishte një “kërcënim real edhe për marrëdhëniet Amerikë-Shqipëri.”
“Donald Trump-i përbën kërcënim për amerikanët, por pa dyshim edhe për marrëdhëniet Shqipëri-Amerikë,” tha ai.
Rama ishte për një vizitë në Kosovë për të marrë pjesë në ceremoninë për Presidentin e ri të Kosovës Hashim Thaci ditën e premte.
Kryeministri Rama do ta vizitojë Uashingtonin javën tjetër ku planifikon të takohet me presidentin amerikan Barak Obama dhe zëvendëspresidentin Joe Biden.
/tesheshi.com/
