Çështja apo afera e privatizimit të kompanisë shtetërore OSHE tek çekët e CEZ, duket se përbën nyjen gordiane të ngërçit politik shiqtar që kur ao nisi në vitin 2009.
E nisur për të qenë pasaporta e marrjes së statusit kandidat në BE nga ana e Shqipërisë, duke shfrytëzuar presidencën çeke të drejtuar nga ish-kryeministri Topolanek në verën e vitit 2009, çështja CEZ duket se është kthyer në një lëmsh zjarri që vit pas viti po ecën me shpejtësi konstante duke kërcënuar t’i vejë flakën çfarë gjen përpara.
Një delegacion i Komisionit Europian, përkatësisht zyrës për pastrimin e parave ka mbërritur në Shqipëri dhe po ballafaqon dosjet e Brukselit me ato të Tiranës, pikërisht me dyshimet se me privatizimin e CEZ janë larë sasi të mëdha parash të dyshimta nga Shqipëria.
Dhe kjo çështje, sipas burimeve pranë organeve ligjzbatuese, pritet që të shpërthejë së shpejti.
Por problemi është se a do të jetë një goditje ndaj Shqipërisë, apo ndaj zyrtarëve të veçantë që nuk kanë bërë të mundur që të zbardhin dhe të adresojnë çështjen në krahun e duhur.
Siç mësohet, fakti i bërë publik tashmë i tërheqjes së 5 milionë eurove cash nga një bankë e nivelit të dytë nga Nuel Kalaj si Fee për negociatat, duket se është vetëm maja e ajzbergut.
Autoritetet europiane kanë pikasur lëvizje të mëdha transaksionesh nga Shqipëria në Afrikë, në banka të dyshimta për t’i kuotuar më pas sasi të mëdha kapitalesh në prona të luajtshme minierash në Kongo dhe qarkullimi tyre nëpërmjet subjektesh fantazmë of shorë në Gjibraltar.
Ishulli ndërmjet Spanjës dhe Britanisë është një zonë e famshme për lëvizjet of shore që pëdoret kryesisht nga kompanitë e mëdha të hidrokarbureve, arit, diamanteve dhe pasurive natyrore për të kryer veprime të shpejta, siç janë kombanitë e ndërmetësimit apo transferimit të parave nga Gjibraltari në Londër apo edhe në bankat e BE-së, SHBA-së e Kanadasë.
Por Bashkimi Europian, me anë të agjencive të specalizuara ka arritur të gjejë gjurmët e këtyre kompanive që nëpërmjet transaksioneve shtetërore kanë lëvizur para që ka dyshime të forta mbi origjinën e papastër të tyre.
Madje një hetim administrativ, i cili natyrisht nuk është penal, ka gjetur fakte se në mbi tre transaksione të mëdha financiare, janë lëvizur para që ka gjurmë që vjen nga trafiqet apo korrupsioni.
Romeo Kara, i vetmi dëshmitar i çështjes CEZ, që ka marrë përsipër të zbardhë çështjet e mbledhjes së borxheve të kompanisë CEZ nga DIA e Kastriot Ismailaj, ka furnizuar me dosje që vetëm mund të hapnin çështjen penalisht, pra që të nisë hetimi nga Prokuroria.
Por realisht Prokuroria shqiptare nuk po merret thelbësisht me këtë aspekt, por po merret me një duel për shpifje mes Shkëlzen Berishës dhe Romeo Karajt.
Ky i fundit, nga dëshmitar i drejtësisë është kthyer në i pandehur, çka e vështirëson situatën e tij.
Megjithatë ky është vetëm një aspekt i kësaj çështje që pritet të kthehet në ortek të vërtetë për politikën shqiptare.
Mësohet se zyrtari i lartë i Bashkimit Europian do të kërkojë të dhëna nga Banka e Shqipërisë për të gjitha transaksionet e kryera nga bankat e nivelit të dytë në Shqipëri, në lidhje me pagesat e CEZ, të justifikuara si pagesa të borxheve.
Kjo pasi një llogari e institucioneve të rëndësishme financiare botërore ka arritur në një përfundim se pagesat që qarkullojnë me zërin “borxhe të CEZ”, janë shumë më të mëdha se sasia e borxheve, që realisht nuk u mblodhë kurrë.
Madje në vitin 2013 FMN arriti të zbulojë 720 milionë dollarë borxhe të fshehura, që nuk ishin vetëm mos pagesat e qeverisë ndaj kompanisë së rrugëve por edhe ndaj CEZ.
Po atëherë çfarë ishin paratë që qarkulluan në llogaritë e bankave europiane e afrikane me titullin “borxhe të CEZ”?
Pikërisht kjo është çështja dhe pritet të shkaktojë shpërthimin më të madh në tektonikën politike dhe të biznesit shqiptar! /tesheshi.com/
