Gruaja në krye të Komisionit Europian dha lajmin për lëvrimin e një fondi ndihme nga BE për Shqipërinë, në shumën e 15 milion eurove.
Ursula Von der Leyen njoftoi gjithashtu dhe për organizimin e një konference donatorësh me vendet e BE-së, atë që Rama e pret dhe nga vendet islame, sipas një angazhimi të marrë nga presidenti Erdogan.
“Sapo fola me kryeministrin Edi Rama, dhe e njoftova atë se Komisioni Europian premton 15 milion euro për të mbështetur popullin shqiptarë. Më tej Më tej, BE do të organizojë një konferencë të donatorëve për të ndihmuar Shqipërinë në rindërtimin”, shkroi Von der Leyen.
Njoftimi i saj u pasua nga një falenderim i kreut demokrat Basha, i pari dhe i vetmi deri më tani, karshi shumë vendeve që kanë ofruar ndihmë, ku veçon inisiativa turke jo me para në dorë, por me ndërtimin menjëherë të 500 banesave për të pastrehët e tërmetit.
Kujtojmë se Rama është në sfidën e vështirë të gjetjes së fondeve për rindërtim, gjë e cila e çoi ditë më parë që të deklaronte se do “i nxirrte ato nga dheu”. /tesheshi.com/
