Gjykata e SHBA-ve ka dënuar një grua nga Arizona me tre vjetë e gjysëm burg, për shkak se ajo shtypi burrin e saj me makinën e familjes, pasi nuk votoi në zgjedhjet presidenciale të vitit 2012.
Holli Nicole Salomon, 31-vjeçare, e pranoi fajin në muajin prill përpara prokurorëve në lidhje me incidentin i cili ndodhi në sheshin e parkimit në Gilbert, një lagje në jugperëndim të Phoenix.
Policia tha se zonja Salomon, e ushqyer nga zemërimi për burrin e saj Daniel Salomoni, në ditët që pasuan rizgjedhjen e presidentit Barak Obama, shtypi burrin e saj me makinë pasi ajo mendonte se familja do të përballej me vështirësi për shkak të rizgjedhjes së Obamës.
Burri saj i moshës 36-vjeçare u plagos dhe theu kockat e legenit për shkak se me dhjetë nëntor të vitit 2012 përfundoi i shtrirë poshtë mjetit xhip.
Salomoni pohoi se e shoqja ishte vetëm duke u përpjekur për ta trembur atë, por asaj i rrëshqiti këmba mbi përshpejtuesin, çka bëri që ai të përplasej.
Zyrtarët thanë se gjykatësi gjithashtu lëshoi një dispozitë për ta mbajtur Salomon në mbikqyrje për katër vjet.
Burimi: Reuters
