Në një mbledhje qeverie në orët e mëngjesit, kryeministri Rama i mëshoi fort asaj fryme fataliteti që përhapet nga një pjesë njerëzish në rrjete sociale apo me akses në media, duke paralajmëruar deri në “ndëprerje sinjali”.
“Eshtë me shumë rëndësi të nënvizoj sot duke u nisur edhe nga shqetësimet dhe alarmet dhe paniku, se ka një rëndësi të posaçme përgjegjshmëria e atyre që kanë përgjegjësinë të shfaqen në ekrane.
Është momenti për të kontribuar në ruajtjen e qetësisë. Nuk është momenti për audiencë dhe parashikime që e marrin zanafillën nga koha e romakëve në Durrës. Këto janë krime që cenojnë drejtpërdrejtë jetën e përditshme të njerëzve.
I bëj thirrje të gjithëve që të mos na detyrojnë të vëmë në lëvizje mekanizma që i parashikon gjendja e jashtëzakonshme për t’iu fikur fare dritën.
Është e papranueshme që kur njërëzit kanë marrë arratitë nga shtëpitë, në shumë herë edhe të nxitur në pikën e humbjes së mundësisë për të arsyetuar nga lloj-lloj lajmesh nga ata që përfshihen në këtë lloj veprimtarie pa asnjë lloj njerzillëku. Të gjithë të kontribuojnë sa të munden për të përçuar sa më shumë qetësi. Kjo është kohë për psikologët dhe jo për astrologët”, theksoi shefi i qeverisë. /tesheshi.com/
