Deputeti kontravers në Hollandë, Geert Wilders u shpall fajtor për fyerje dhe nxitje të diskriminimit kundër marokenëve, dënim ky të cilën ai menjëherë e kritikoi si një “sulm të turpshëm” ndaj fjalës së lirë dhe një përpjekje për ta “neutralizuar” atë.
Kreu i trupit gjykues, Hendrik Steenhuis tha se gjykata nuk do të imponojë dënimin, për shkak se vetë vendimi ishte dënim i mjaftueshëm për një deputet të zgjedhur në mënyrë demokratike.
Wilders nuk ishte në gjykatë në kohën kur u dha vendimi; një zhvillim ky pak më shumë se tre muaj para mbajtjes së zgjedhjeve nacionale. Partia e tij është në epërsi të ngushtë në një sondazh mbarëkombëtar dhe ai ka fituar në popullaritet gjatë kohës së gjykimit.
Wilders lëshoi shpejt një video-mesazh në anglisht dhe hollandisht, duke e kritikuar gjykimin dhe duke u zotuar për të apeluar ndaj vendimit.
“Sot, unë u dënova në një gjyq politik i cili pak para zgjedhjeve përpiqet ta neutralizojë liderin e partisë më të madhe dhe më të njohur të opozitës”, tha Wilders. “Ata nuk do të kenë sukses”, shtoi ai.
Edhe para seancës, Wilders u zotua se nuk do të mund ta bëjë që të heshtë.
“Sido që të jetë vendimi, do të vazhdojë të flasë të vërtetën në lidhje me problemin maroken; dhe asnjë gjyqtar, politikan apo terrorist nuk do të më ndalë”, tëittoi ai.
Prokuroria kishte ngritur aktakuzë kundër Wilders, i cili gjatë zgjedhjeve komunale holandeze në vitin 2014, në një takim në një kafene të Hagës, i kishte pyetur mbështetësit e tij nëse ata donin më shumë apo më pak marokenë në Holandë. Kjo shkaktoi një brohoritje nga masa: “Më pak! Më pak! Më pak!”. Wilders më pas u përgjigj: “Ne do të përkujdesemi për këtë.”
Prokurorët thonë se Wilders, i cili në vitin 2011 u lirua nga një tjetër gjykim, për shkak të gjuhës së urrejtjes për kritikat e tij të hapura ndaj Islamit, ka tejkaluar kufijtë e fjalës së lirë duke targetuar në mënyrë specifike marokenët.
Ai kishte mohuar akuzat dhe këmbënguli se ai po kryente detyrën e tij si një lider politik duke vënë në dukje një problem në shoqëri. /tesheshi.com/
