Deputeti i listës “Basha”, Halit Valteri, për pak sa nuk u përplas fizikimisht ne kolegun e tij por nga lista “LSI”, Ralf Gjoni. Nuk dihet realisht se për çfarë u kapën që të dy, verbalisht, duke qenë dhe afër njëri-tjetrit fizikisht, çka u desh ndërhyrja e disa deputetëve të tjerë të opozitës, mes tyre dhe Murrizi, për të evituar një sherr të mundshëm mes tyre.
Por në një moment, Valteri tha: “Keni vendosur matjen e temperaturës, por bëni edhe testin e intelektit dhe të idiotëve në këtë vend se kemi lloj lloj idioti dhe lloj lloj halabaku që nuk di se çfarë flet.”
Kujtojmë se si Valteri e si Gjoni, përpiqen të jenë aktivë në jetën përlamentare, duke u imponuar me fjalën e tyre. Që të dy po ashtu karakterizohen nga një komunikim me nota të theksuara delirante, por më të theksuara këto te ish-njeriu i afërt i Metës, ish-sekretar i tij gjatë të qënit kryetar parlamentit, Ralf Gjoni. /tesheshi.com/
