Partia Demokratike nuk do të regjistrohet në zgjedhjet e 18 qershorit, të cilat i konsideron fasadë. Madje, Basha ka sulmuar ashpër edhe kreun e Komisionit Qendror të Zgjedhjeve, gjatë një replikimi me kryeministrin Rama.
“E shikoni sa bukur mundohet t’i shpëtojë këtij gjykimi të drejtë. Ju jap KQZ, thotë. Merreni. Po çfarë duhet KQZ kur ti ke krimin, drogën, një polici që e ke shndërruar në një repart ushtarak të krimit, drogës dhe rilindjes së kriminalizuar. E di fare mirë se një KQZ në këto kushte është kukull siç është kukull kjo KQZ me këtë kryetar idiot dhe të papërgjegjshëm që u thotë shqiptarëve tani që po vjen data e mosregjistrimit me vullnetin e mirë unë jam gati ta shtyj edhe 90 ditë. O Denar Biba, je kryetar i KQZ jo Papa i Vatikanit o idiot.Se kështu i bie që edhe ky këtu nesër të na e bekojë kanabisin e të na thotë është rigon e jo kanabis”, tha Basha.
“Nuk ka e nuk do të ketë asnjë zgjidhje tjetër përveç largimit të qeverisë së krimit dhe korrupsionit”, shtoi kreu demokrat. /tesheshi.com/
