Numri i vdekjeve të shkaktuara nga infeksioni koronavirus në Shtetet e Bashkuara është rritur në 66,385.
Sipas të dhënave nga Universiteti Johns Hopkins, janë infektuar gjithsej 1,133,069 njerëz që nga fillimi i epidemisë, dhe afro 175.400 janë shëruar.
SHBA mbetet vendi me numrin më të madh të njerëzve të infektuar dhe të vdekur që prej fillimit të pandemisë COVID-19. Ajo u pasohet nga Italia me 28.710 dhe Spanja me 25.100 vdekje.
New York është epiqendra e epidemisë amerikane me 24.198 vdekje dhe afro 313,000 të infektuar.
Koronavirusi u shfaq në qytetin kinez Wuhan në fund të vitit të kaluar, dhe Organizata Botërore e Shëndetit shpalli pandeminë globale COVID-19 më 11 mars të këtij viti.
Sipas Universitetit Johns Hopkins, 3,428,490 njerëz janë infektuar në të gjithë botën me koronavirus. Si rezultat i infeksionit, 243.837 kanë ndërruar jetë dhe të paktën 1,095.873 janë shëruar. /tesheshi.com/
