Duke rendur pas rezultatit të votimeve për parlamentin e ri dhe qeverisjen e re, ishte harruar votimi për Bashkinë e Kavajës, të realizuara në të njëjtën ditë.
Dhe nga rezultatet e para, paralajmërohet një tjetër disfatë e rëndë dhe aty për PD-në. Deri më tani, kandidati i PS-së, Dorian Murati është në avantazh ndaj rivalit demokrat Isa Sakja.
Kjo përballje erdhi pasi Gjykata Kushtetuese i hoqi mandatin Elvis Roshit, i cili politikisht u cilësua një “kriminel” nga ana e opozitës.
Roshi arriti të marrë dy mandate në qytetin e tij, të njohur si bastion demokrat, por që të dytin e la në mes, pasi “iu hapën letrat” e së kaluarës në kuadër të ligjit të dekriminalizimit.
Dhe prej zgjedhjeve lokale të vitit 2011, Kavaja e çon votën kah PS-ja, siç po shihet ky trend dhe në zgjedhjet e fundit, të përgjithshme e lokale bashkë. /tesheshi.com/
