Deri më tani, asnjë suprizë nuk shfaqet në horizontin e rezultatit të zgjedhjeve, pretenduar sidomos nga LSI. PS kryeson bindshëm në një përqindjet e para të numërimit të kutive të votimit në rang vendi, dhe sipas projeksionit i është afruar shifrës së synuar të mbi 70 mandateve.
PS kryeson me afro 50 përqind duke e ruajtur këtë tendencë përgjatë 10 përqindëshit të parë të numërimit të kutive. Pas saj vjen PD, ndërsa LSI e treta; një renditje që përputhet plotësisht deri më tani me rezultatet e sondazheve dhe exit polle-ve. Ato nuk kanë dalë të sakta vetëm në rastin e LIBRA-s së Blushit. Kjo parti, sipas përqindjes së deritanishme është me zero deputetë. Para saj ndodhet PDIU, e cila sipas përqindjes ka marrë dy deputetë.
Pas mbylljes së kutive të votimit në mbrëmje vonë, të trija forcat politike pretenduan fitoren me gjuhën e lidërve të tyre respektivë, ppr deri më tani më i besueshmi rezulton Rama. Basha ishte disi më i rezervuar dhe më i kujdesshëm në artikulimin e një fitoreje të pretenduar, ndërsa Meta shfaqi një bindje absolute, së pakku që PS e kishte humbur përfundimisht “timonin” e synuar të qeverisjes. Megjithatë, ka ende një përqindje të madhe kutish për t’u numëruar. Sipas projeksionit, ato vështirë të ndryshojnë renditjen e partive. Tashmë i gjithë interesimi është përqëndruar tek mandatet. /tesheshi.com/
