Në 30 vite procese zgjedhore, nuk ekziston asnjë precedent ku trendi votave të ketë pësuar devijacione; ku pra, fituesi të jetë shndërruar sakaq në humbës. Këtë beson se mund ta ndodhë PD edhe që trendi i fitores së PS vijon të jetë i qëndrueshëm që në fillim, pa asnjë devijim serioz, me vënien në pikëpyetje të rezultatit final.
Këto orë, në fillim Meta e më pas Basha, hodhën tezën se PS ka zgjedhur të numërojë në fillim kuti nga bastionet e saj, e që, sipas kryedemokratit, me vijimin e numërimit të kutive të tjera, rezultatit do të kthehet. Por dhe ky pretendim ndodh për herë të parë në zgjedhje. Kurrë më parë, PS e PD s’kanë akuzuar njëra-tjetrën në procese votimi për diçka të tillë.
E ndërsa nuk ekziston një precedent kthese rezultati në 30 vite, ia vlen të theksohet se në një përmasë të vogël kjo ka ndodhur, vetëm njëherë. Bëhet fjalë për procesin e numërimit të votave për Tiranën në Lokalet e 2011, pra kur Rama e Basha haheshin kokë më kokë.
Deri në afërsisht 60 përqind të hapjes së kutive, Rama ndodhej në avantazh por jo shmë të thellë. Kjo bëri që më pas të kishte vërtet ndryshim rezultati, herë kryesonte njëri e herë tjetri, por shumë ngushtësisht. Ndaj dhe në fund Rama fitoi ngushtësisht me 10 vota.
Ndërsa në të gjitha zgjedhjet e tjera, ai që e ka nisur trendin e fituesit qoftë dhe me kutitë e para, në fund ka rezultuar fitues. /tesheshi.com/
