Nihmës sekretarja amerikane e Shtetit, Viktoria Nuland ka mbërritur në Prishtinë dhe ka nisur takimet me krerët më të lartë të vendit dhe faktorin politik kosovar.
Nuland vjen në Kosovë për të marrë OK-in nga të gjitha forcat politike vendase që të miratojnë demarkacionin me Malin e Zi, çështje e cila është kusht për liberalizimin e vizave me Kosovën.
Gjatë qëndrimit disa orësh në Prishtinë, Nuland takohet takohet me Presidentin Hashim Thaçi, kryeministrin Isa Mustafa, kryetarin e Kuvendit të Kosovës, Kadri Veseli, zëvendëskryeministrin Hajredin Kuçi, kryediplomatin Enver Hoxhaj, si dhe në fund zëvendëskryeministrin Branimir Stojanoviç. Zyrtarisht nuk është paralajmëruar ndonjë takim me liderë të opozitës, por burime diplomatike theksojnë se zyrtarja e DASH mund të takohet me ramush Haradinajn dhe Fatmir Limajn në njënga hotelet e kryeqytetit të Kosovës.
Ndërkohë, gjatë orëve të pasdites, zonja Nuland do të mbërrijë në Tiranë ku për disa orë të qëndrimit në vendin tonë do të zhvillojë tri takime; me liderin e opozitës Lulzim Basha, kryediplomatin Ditmir Bushati dhe në fund me kryeministrin Edi Rama.
Thelbi i diskutimit gjatë takimeve do të jetë reforma në drejtësi.
/tesheshi.com/
