Nuk vihej në rresht, mësuesi belg var me litar fëmijën musliman 5-vjeçar

Një mësues i një shkolle fillore është akuzuar se ka varur nga qafa një nxënës të vogël 5-veçar pasi ai kishte refuzuar të vihej në rresht.

Historia doli në dritë pasi e ëma publikoi në Facebook disa foto të fëmijës së lënduar dhe tha se mësuesi e kishte torturuar të birin e saj.

“Për shkak se nuk kishte dashur të vihej në rresht, mësuesi e kishte rrahur dhe e kishte varur me një litar,” tha ajo, shkruan gazeta De Morgen.

Të zemëruara nga fotot e fëmijës së lënduar, 30 gra kanë protestuar para shkollës në qytetin e Antwerp-it në provincën belge te Antwerp-it.

Shenjat e dhunës në qafën e fëmijës u vunë re në fund të lojës, ku më pas u lajmëruan edhe prindërit e tij.

Joke Cortens, zëdhënësja e arsimit në Bashkinë e Antwerp-it tha se bazuar në verifikimet e tyre, mësuesi në fjalë nuk ishte i pranishëm në vendin e ngjarjes.

“Duke u bazuar në informacionet që kemi, mësuesi në fjalë nuk ishte i pranishëm në sheshin e lojërave,” tha Cortens.

“Si prindër, ne jemi të shqetësuar se si ka mundësi të ketë ndodhur ky incident. Verfirikimet e mëtejshme do ta tregojnë këtë,” shtoi ajo.

Këshilltari për arsimin në Antwerp, Calude Marinower bëri thirrje për qetësi, duke thënë se është thellësisht i prekur nga kjo ngjarje.

Ai i ka kërkuar drejtorisë së shkollës që t’i paraqesin një raport të detajuar me fakte në lidhje me atë që ka ndodhur atë ditë dhe atë që ka ndodhur më pas.

“Askujt nuk i shërben përshkallëzimi i kësaj ngjarjeje. Kjo do të hetohet plotësisht. Prindërit e fëmijës, mësuesi në fjalë dhe prindër të tjerë bashkë me stafin e shkollës mbikqyrën dhe mbështetën,” tha Marinower.

Muslimanët belg arrijnë një numër prej afërsisht 638 mijë nga 11.2 milion banorë, sipas një hulumtimi të Pew Research Center të bërë në tetor 2010.

Mbi 25% e popullsisë në Belgjikës janë me origjinë muslimane. Brukseli ka rreth 77 xhami dhe vende faljeje dhe mbi 300 të tilla në të gjithë Belgjikën. /tesheshi.com/