Nuk vendos veton kundër: Trump do t’i nënshkruajë sanksionet e reja ndaj Rusisë
Presidenti amerikan, Donald Trump do të nënshkruajë ligjin që vendos sanksione të reja mbi Rusinë, konfirmoi Shtëpia e Bardhë.
Të dyja dhomat e Kongresit u shprehën në mbështetje të ligjit, që gjithashtu përfshin masa kundër Iranit dhe Koresë së Veriut, ndërsa fillimisht u mendua se Trump do të vendoste veton kundër tij.
Tashmë, Rusia edhe pa u nënshkruar ligji, ka urdhëruar largime të stafit diplomatik amerikan në Moskë dhe ka ndaluar përdorimin e disa pronave atje.
Zëdhënësja e Shtëpisë së Bardhë, Sarah Huckabee Sanders tha se presidenti Trump do të nënshkruajë ligjin, por vetëm pasi të ketë negociiuar “elementë kritikë” të tij, por nuk dha detaje se cilët janë këta elementë.
“Ai ka rishikuar versionin final dhe bazuar në rezultatet e negociatave, e miraton ligjin dhe planifikon ta nënshkruajë”, tha ajo. /tesheshi.com/
