Nuk ka ulje dënimi për Kristiano Ronaldon.
Edhe pas apelimit që Reali i Madridit i bëri dënimit me 5 ndeshje të portugezit, Komisioni i Disiplinës nuk e uli “me asnjë ditë” pezullimin e 32-vjeçarit.
CR7 u dënua pas kartonit të verdhë të dyfishtë dhe të kuqit që i tregoi gjyqtari De Burgos Bengoeçea, gjatë ndeshjes me Barcelonën në Superkupën e Spanjës.
Pas vendimit të Apelit, portugezi ka reaguar në rrjetet sociale.
“Më duket e ekzagjeruar dhe qesharake, kjo mund të quhet persekutim. Faleminderit shokëve të mi dhe tifozëge për mbështetjen”, është shprehur Ronaldo.
Pas këtij vendimi, sulmuesi nuk do të luajë, përveç ndeshjes së kthimit në Superkupë ndaj Barcelonës, as në përballjet në La Liga, kundër Deportivo La Korunjës, Valencias, Levantes dhe Real Sociedadit. /tesheshi.com/
