Joe Chandler, nga Georgia mbase është personi i vetëm në Shtetet e Bashkuara që nuk e di se kush i ka fituar zgjedhjet presidenciale në në SHBA. E sikur kjo të mos mjaftonte, ai bën çmos që mos ta mësojë asnjëherë.

Çdo gjë fillloi një darkë kur Joe u ftua në një festë me rastin e zgjedhjeve. Aty e kuptoi se kushdo që t’i fitonte zgjedhjet amerikanët nuk do të ishin të kënaqur. “Mendova me vete: duhet të ketë një mënyrë më të mirë,” tregon Chandler. “Doja vetëm 24 orë injorancë totale,” shpjegon ai.

Vetëm se injoranca ishte aq e rehatshme për të, sa që as ditën pas zgjedhjeve nuk donte t’ia dinte se kush kishte fituar. E që atëherë ai ka bërë çmos që mos ta marrë vesh.

Duket e pabesueshme të mendosh se dikush që jeton në Amerikë nuk e di se presidenti i ardhshëm do të jetë Donald Trump, veç nëse ai person në izolim total.

Por nuk është ky rasti i Joe. Ai ka marrë masa për të shmangur çdokënd apo cdo gjë që mund ta vërë në dijeni për rezultatin. Për këtë arsye, kur del nga shtëpia vë një palë kufje dhe një kartelë të vogël ku shkruhet: “Nuk  e di kush i ka fituar zgjedhjet dhe as nuk më intereson. Ju lutem mos më tregoni!”

Ai tregon se njerëzit e kanë respektuar vendimin e tij. “Pasi jam shmangur nga kjo zallamahi politike kam filluar të ndjehem më i lumtur në injorancën time të bekuar,” tregon Chendler. /tesheshi.com/