Mbrojtësi i Belgjikës dhe i Mançester Sitit bëhet më i fundit lojtar që do t’i mungojë Euro 2016-tës. Kapiteni i të dy formacioneve ka pësuar lëndimin e pestë në këtë sezon, diçka që ka ngjarë në ndeshjen e së mërkurës ndaj Realit të Madridit për gjysmëfinalet e Champions League-s. Kompany do të detyrohej ta linte fushën pas vetëm dhjetë minutash, me një dğmtim që rezultoi të jetë më i rëndë nga sa pritej.
Ka qenë vetë belgu që e ka dhënë lajmin për mungesën e tij në faqen e vet të rrjetit social Facebook.
“Unë do të mungoj në ndeshjet e Europianit,” ka shkruar Kompany.
Lajm shumë pikëllues e ka cilësuar ai pamundësinë për të luajtur në një aktivitet të tillë. Nota pesimizmi ka shfaqur shtatlarti kur është shprehur se shqetësohej për karrierën e se mund të tërhiqej.
Për të shprehur njëkohësisht dhe besimin te shokët e kombëtares: “Besoj se shokët e skuadrës e miqtë e mi do të paraqiten mirë dhe do na bëjnë krenarë… Unë jam zyrtarisht tani mbështetësi i tyre më i zjarrtë…”
30-vjeçari u transferua para tetë vitesh te Mançester Siti, duke lënë Hamburgun. Ai ka pësuar 33 dëmtime gjatë këtyre viteve, kurse në këtë sezon ka luajtur vetëm në 22 nga 57 ndeshjet e mundshme. /tesheshi.com/
