Ligji për tatimin në pronë dhe ai për lejet e ndërtimit vazhdojnë të mos gjejnë zbatim në katër komunat veriore (Mitrovica e Veriut, Zubin -Potoku, Leposaviqit dhe Zveçanit).
Në dy prej tyre, Mitrovica e Veriut dhe ajo e Zveçanit, vazhdon të veprojnë një vendim nga koha e UNMIK-ut, i cili nuk parashikon të ardhura nga tatimi në pronë, lejet e ndërtimit, shfrytëzimi i pronave publike apo nga burimet e tjera komunale, shkruan “Koha Ditore”.
Kjo ka bërë që të ardhurat vetjake të këtyre komunave gjatë vitit 2016 të jenë vetëm 50550 euro.
Dhe këto të ardhura janë realizuar vetëm nga taksat administrative dhe ato për çertifikatat e lindjes, të kurorëzimeve dhe të vdekjeve. /tesheshi.com/
