Kryeministri i vendit dhe kryetari i opozitës arritën një marrëveshje mbrëmë në orët e vona të natës pas një takimi mes tyre që zgjati 3 orë e 20 minuta. Por marrëveshja nuk është konkretizuar akoma dhe nuk është bërë e ditur për publikun ndërsa aktualisht Rama dhe Basha po zhvillojnë një tjetër takim kokë më kokë tek Pallati i Kongreseve.
Pas takimit të mbrëmshëm dy liderët shkëmbyen një shtrëngim duarsh shumë joformal duke nënkuptuar mirëkuptimin e arritur mes tyre pas 3 muajsh konflikti të ashpër politik dhe akuzash të ndërsjella.
Kreu i qeverisë nuk preferoi të fliste pas takimit duke u mjaftuar me “jam 100 për qind dakord me kreun e opozitës”, ndërsa Basha përcolli këtë mesazh për mbështetësit e tij në orët e vona të mbrëmjes në çadrën e ngritur në Bulevard.
“Kam privilegjin e madh që më dhatë mundësinë të jem bashkë me ju në krye të kësaj beteje për zgjedhje të lira dhe të ndershme. Gjithçka ka ndryshuar, e pamendueshmja tre muaj më parë sot është realitet, nesër nisim përgatitjet për tu dhënë shqiptarëve zgjedhjeve të lira dhe të ndershme dhe për të nisur sëbashku rrugën drejt një Shqipërie ku gjithçka do të ndryshojë, asgjë nuk do të jetë si më parë bazuar vetëm në qëndresën dhe bashkimin tuaj.Tempulli i lirisë me ratifikimin e marrëveshjes do të jetë plot me ju qëndrestarë të bashkuar, do të jetë plot me qytetarët shqiptarë të djathtë e të majtë që nuk ju ndanë asnjë ditë kësaj lëvizje, pra jo nuk mbyllet sonte çadra. Nesër me zbardhjen e marrëveshjes dhe detajimin e saj do të jemi të gjithë këtu sëbashku për të shpallur lajmin e mirë për çdo shqiptare dhe çdo shqiptar”./tesheshi.com
