Facebook para dy vitesh largoi të gjitha veçoritë e mesazheve në aplikacionet për iOS dhe Android, duke zhvendosur komunikimin në një aplikacion të ndarë të quajtur Messenger.
Edhe sot e kësaj dite, ka ende shumë njerëz të cilët nuk e kanë instaluar Messengerin në celularët e tyre.
Në vend të tij, e kanë përdorur versionin për web në celularë, duke i lejuar të komunikojnë me miqtë në Facebook pa e shkarkuar Messengerin.
Por duket se kjo do të marrë fund së shpejti, pasi përdoruesit që kanë provuar ta përdorin veçorinë e mesazheve në Facebook në këtë mënyrë janë njoftuar se bisedat janë duke u zhvendosur në Messenger, dhe se shumë shpejtë, mesazhet mund të lexohen vetëm përmes tij. /tesheshi.com/
