A e keni menduar ndonjëherë të fluturoni me tarifa minimale nga njëri shtet në tjetrin, aq sa udhëtimi t’ju kushtojë më pak se sa një shëtitje me makinë në qytetin tuaj? Po të fluturoni flas fare e keni menduar?
Epo një lajm i mirë vjen për personat që duan të fluturojnë nga Greqia. Bëhet fjalë për kompaninë ajrore Ryanair, e cila do të ofrojë udhëtime falas për dy javë rresht.
Mirëpo, gjithmonë e ka një por, ose një kusht për tu realizuar një projekt. Në këtë rast kushti është që shtetet ku do të udhëtojnë personat që do të nisen me Ryanair nga Greqia, të heqin dorë nga taksat kundrejt kompanive të fluturimit.
Shefi i Ryanair, Michael O’Leary, ka vendosur të tregojë solidaritetin e kompanisë së tij, kundrejt krizës në Greqi, e cila po përshkruhet gjerësisht në media si një tragjedi,
Bëhet fjalë për një strategji në kontrast me atë që kanë zgjedhur kolosët e tjerë të fluturimit gjatë kohëve të fundit. Këto javë, shumë kompani të lidhura me internetin si Amazon apo Paypal, kanë pezulluar aktivitetin e tyre në Greqi, për shkak të limiteve në lëvizjen e kapitalit.
Këtë gjë nuk e ka bërë Rynair, vektori i parë dhe kryesor u fluturimeve me çmim të ulët në Europë, i cili ka vendosur të tregohet sa më afër Athinës në këtë periudhë.
Siç raporton Giornalettismo, kompania irlandeze ka lajmëruar fillimisht klientët të rezervojnë dhe të paguajnë me para kesh, në dorë, duke qenë se mundësitë e pagesave online janë reduktuar mjaft.
Më pas u ka ofruar grekëve të fluturojnë falas për dy javë, duke nisur nga e hëna, 13 korrik 2015. Një ofertë e ngjashme tregtare mund të jetë një pararojë që qeveria e Alexis Tsipras të heqë dorë përkohësisht nga taksat e aeroporteve që u kërkohet zakonisht agjencive të fluturimit.
Ryanair disponon 4 avionë në aeroportin e Athinës, të cilët fluturojnë në 12 destinacione, mes se cilave Milano, Londra e Brukseli.
Me të vërtetë një zgjedhje e zgjuar. I mbetet qeverisë Tsipras tani të pranojë këtë sfidë ose jo! /tesheshi.com/
