Ka përfunduar ashtu siç nuk pritej sfida më e pritur në kampionatin anglez: pa gola dhe pa shkëlqim.
Një ndeshje ku si Liverpuli dhe Mançester Junajtedi kanë treguar shumë kujdes që të mos pësonin gol e të mos humbisnin. Por ndërsa vendasit kanë patur kontrollin e topit gjatë gjithë lojës e kanë rrezikuar në momente të caktuara, lojtarët e Mançester Junajtedit pak kanë parë nga porta kundërshtare.
Nga ato pak raste të lojës, Ibrahimovic pari mundësinë të bënte diçka më mirë, por nuk ia doli, ndërkohë që De Gea u tha jo dy përpjekjeve të Coutinho-s dhe Emre Can-it.
E zhvilluar gjatë gjithë kohës thuajse vetëm në gjysmëfushën e Mançesterit, ndeshja u mbyll e zhveshur nga emocionet e zakonshme të të tilla sfidave.
Liverpuli humbi mundësinë t’u bashkohej Mançester Sitit dhe Arsenalit në krye të renditjes së Premier Ligës, duke qëndruar në vend të katërt. Mançester Junajtedi mbetet po ashtu në vend të shtatë. /tesheshi.com/
