Akullorja me oriz është një ëmbëlsirë shumë e shijshme dhe e lehtë, e bërë me oriz basmati dhe i ëmbëlsuar me mjaltë dhe pak sheqer. Akullorja me oriz ka një aromë intensive por edhe shumë delikate. Ajo është perfekte për tu shoqëruar me fruta të freskëta por edhe me fasule të përziera me mente.
Orizi basmat ka një erë të fortë dhe të veçantë, ndaj nëse preferoni që ti jepni akullores një aromë e shije më neutrale, ju këshillojmë të përdorni një varietet klasik të orizit.
Pregatitja
Vendoseni orizin të ziejë në 600 gramë ujë të vluar. Kur të ketë pirë të gjithë ujin dhe të jetë i pjekur, hiqeni nga zjarri duke i shtuar sheqerin dhe mjaltin. Përziejeni mirë në mënyrë që të ëmbëlsohet në formë të njëtrajtshme dhe më pas lëreni të ftohet.
Kalojeni më pas orizin e ftohur dhe të bërë në formë kremi, në një frulator. Shtoni qumështin dhe frulatoni gjithë përzierjen deri sa të krijohet një masë e plotë homogjene.
Më pas pregatisni akulloren siç bëni me çdo lloj akulloreje tjetër të pregatitur në shtëpi. Futeni në frigorifer për 15 minuta dhe pasi ta nxirrni, kur ajo të jetë ftohur, mund të shtoni edhe pak shllak (pana kuzhine). Pas një minute në frigorifer mund ta konsumoni. /tesheshi.com/
