“Unë të dua ty Shock”. Këto ishin fjalët e para të një vajze të vogël e cila kishte probleme me të folurën dhe nuk mund të nxirrte dot asnjë tingull të vetëm.
Ajo quhet Amber dhe gomari Shock, dhe të cilët të dy kanë pasur një jetë të përafërt. Shock u gjet me një litar të lidhur rreth qafës dhe lëkurën e mbuluar nga plagët. Fatmirësisht ai u shpëtua dhe dërgua në Qendrën Kujdesit të Gomarëve në Birmingham të Anglisë, kur në 2013 u takua me Amber.
Kur Amber dhe motra e saj lindën para kohe, ajo iu nënshtrua një operacioni kirurgjikal që i shpëtoi jetën, por i ndërpreu kalimin e ajrit nga kordat e saj vokale, duke e bërë memece. Gjithashtu vajza pësoi edhe një paralizë cerebrale, që nuk e lejonte të lëvizte.
Por gjithçka nisi të ndryshonte kur ajo takoi Shock. “Në mënyrë të menjëhershme ata patën një lidhje të ngushtë me njëri-tjetrin. Muskujt e vajzës u forcuan dhe shëndeti i saj u përmirësua. Ishte një moment kënaqësie dhe sigurisht një lehtësim i madh, kur pamë që vajza mund të fliste. Do të thosha se ata shëruan njëri-tjetrin”, tha nëna e vogëlushes./tesheshi.com/
