Të paktën 13 persona, përfshirë katër fëmijë, kanë vdekur pasi shirat e dendur goditën pjesën më të madhe të Spanjës lindore dhe jugore dje, të martën, duke përmbytur rrugët me ujë dhe baltë dhe duke shkaktuar probleme në udhëtimet hekurudhore dhe ajrore.
Imazhet e kapura nga banorët në celularët e tyre dhe të transmetuara nga televizioni spanjoll tregojnë ujërat e vrullshëm duke fshirë makinat dhe duke përmbytur ndërtesat.
Në disa zona, sasia e shiut që ra në 24 orë, zakonisht bie mbi një muaj, raportojnë mediat spanjolle.
Scary fast-flowing flash floods through streets of Albacete, Spain today, these aren't rare incidents anymore, this is one of several Spanish communities quite far apart seeing streets turn into raging rivers yesterday, today & likely tomorrow too #flood pic.twitter.com/BXZuPwaoDB
— Nick's Weather Eye (@NickJF75) October 29, 2024
Shirat e rrëmbyeshëm u shkaktuan nga një front i ftohtë që lëviz përgjatë pjesës jugore dhe lindore të Gadishullit Iberik. Përmbytjet e shpejta shkaktuan probleme serioze që në orët e para, duke detyruar autoritetet e zonave më të prekura që t’u bëjnë thirrje qytetarëve të qëndrojnë në shtëpi dhe të shmangin çdo udhëtim jo thelbësor deri në njoftimin e dytë.
Spanish firefighters rescue drivers from floodwaters after Spain's meteorological agency put the Valencia region under the highest red alert for extreme rainfalls.https://t.co/1JXcRjwzcp pic.twitter.com/jw8AjSZkz9
— Sky News (@SkyNews) October 29, 2024
Sipas TVE-së shtetërore, policia tha se të paktën 13 persona kishin vdekur nga përmbytjet. Në rajonin e Valencias kanë humbur jetën katër fëmijë, ndërsa gjashtë persona rezultojnë të zhdukur.
Disa orë më parë, kreu i autoriteteve lokale në rajonin e Valencias raportoi se autoritetet në Spanjën juglindore kishin gjetur “trupa”.
“Ata u gjetën të vdekur, por për respekt për familjet, ne nuk do të japim më shumë detaje”, tha Carlos Mathon.
💥 𝐈𝐦𝐩𝐚𝐜𝐭𝐚𝐧𝐭𝐞𝐬 𝐢𝐦𝐚́𝐠𝐞𝐧𝐞𝐬: 𝐮𝐧 𝐩𝐮𝐞𝐧𝐭𝐞 𝐝𝐞 𝐏𝐢𝐜𝐚𝐧̃𝐚 (𝐕𝐚𝐥𝐞𝐧𝐜𝐢𝐚) 𝐬𝐞 𝐝𝐞𝐫𝐫𝐮𝐦𝐛𝐚 𝐩𝐨𝐫 𝐥𝐚 𝐜𝐫𝐞𝐜𝐢𝐝𝐚 𝐝𝐞𝐥 𝐫𝐢́𝐨 𝐩𝐨𝐫 𝐥𝐚 𝐃𝐀𝐍𝐀
📌 https://t.co/Im2tYQfowi pic.twitter.com/pKGVBvWrjS
— okdiario.com (@okdiario) October 30, 2024
Mbrëmë, autoritetet lokale raportuan të paktën shtatë persona të zhdukur: gjashtë në qytetin Letur, në provincën e Albacete, në rajonin Castile-La Mancha, dhe një tjetër – një shofer kamioni, në qytetin e Alcudia, në rajonin e Valencias.
VIDEO | El temporal que azota buena parte de España deja imágenes impactantes, como el vuelco de un camión ocurrido en una carretera de la provincia de Valencia y que fue captado por el conductor de otro vehículo. pic.twitter.com/DVoS3uPdBw
— EFE Noticias (@EFEnoticias) October 30, 2024
“Jam i informuar me shqetësim për informacionet për personat e zhdukur dhe dëmet e shkaktuara nga stuhia në orët e fundit”, tha përmes X-it kryeministri spanjoll Pedro Sanchez, duke u bërë thirrje gjithashtu qytetarëve të ndjekin udhëzimet e autoriteteve. “Kini shumë kujdes dhe shmangni lëvizjet e kota”, theksoi ai.
Kujtojmë se javë më parë, Vlora përjetoi diçka të ngjashme, me përmbytje të shkaktuara nga rreshje të rrëmbyera në pak orë, por gjithsesi, veç dëmeve në biznese e familje, nuk pati dhe dëme në njerëz, mos o Zot ndonjë viktimë. Megjithatë, përmbytja nuk shpëtoi dot pa i gjykuar politikisht. /tesheshi.com/
