Tonelata me plehra kanë mbushur kryeqytetin turistik malazez të Budvës, për shkak të grevës së punonjësve të njësisë së punës “Çistoća” të ndërmarrjes komunale të qytetit, duke kërkuar pagesën e pagave të dhjetorit dhe janarit, raportojnë mediat malazeze.
Greva ka hyrë në ditën e pestë dhe përfaqësuesi i punëtorëve Shëtim Kelmendi tha për Vijesti-n e Podgoricës se janë ende në grevë dhe se nuk heqin dorë nga kërkesat e tyre sepse, siç thotë ai, njerëzit nuk kanë me çfarë të jetojnë.
Inspektimi bashkiak dhe policia kanë vendosur që qyteti të pastrohet, por punëtorët grevistë mbeten këmbëngulës në kërkesën e tyre.
Situata në rrugët e Budvës është edhe më alarmante mëngjesin e sotëm, ku malet me mbeturina në pjesët më të frekuentuara të qytetit ngjajnë me skena nga filmat apokaliptikë, shkruan Vijesti.
Në lajmet thuhet se bëhet fjalë për një konflikt mes dy fraksioneve brenda kompanisë. Vlerësohet se sot në rrugët e Budvës ka mbi 150 tonë mbeturina dhe nga qendra shëndetësore e qytetit thonë se po monitorojnë situatën epidemiologjike. /tesheshi.com/
