Deklarimet e qeverisë në lidhje me Vetingun, gati sa nuk po e shenjtërojnë këtë proces.
E lidhur kjo dhe me situatën e këtyre ditëve ku opozita po zhvillon një protestë të pandërprerë, e që për të cilën mazhoranca pretendon se qëllimi kryesor është bllokimi i Vetingut, deklarimet pro-këtij procesi kanë dhe një inflacion të dukshëm.
Së fundi, ministri i çështjeve sociale, Blendi Klosi tha se Vetingu do iu vijë në ndihmë dhe fëmijëve të rrugës.
“Problemi i bllokimit të Vetingut është arsyeja e vërtetë e çadrës së opozitës. Në qoftë se do të kërkojnë që të ndihmojnë fëmijët, të cilët janë në situatë rruge, duhet të zhbllokohet procesi i vettingut, sepse po të gjykosh të gjitha vendimet që ka marrë gjyqësori shqiptar për fëmijët në situatë rruge, asnjëherë nuk kanë shkuar në shërbim të këtyre fëmijëve. Të gjitha vendimet kanë shkuar në shërbim të tutorëve. Tutorët kanë qenë fituesit e çdo procesi gjyqësor dhe sot po të njëjtët fëmijë lypin, sepse sistemi gjyqësor i pareformuar në asnjë rast nuk ka dhënë vendime në mbrojtje të këtyre fëmijëve”, tha Klosi. /tesheshi.com/
