Kreu i Bashkësisë Islame në Maqedoni, Sulejman Rexhepi, i njohur ndryshe dhe si Mulla Sula, është nderuar me çmimin presidencial “për arritje jetësore”, dhënë nga presidenti Trump, nëpërmjet përfaqësuesit të tij, profesorit universitar Oto Von Feigenblat, i cili tha se Rexhepi është lideri model që inspiron udhëheqje të përkryer drejt zgjidhjes së shumë problemeve, qofshin ato fetare po ashtu edhe kombëtare.
“Ju keni shërbyer si model për frymën amerikane. Angazhimi i juaj ishte i fokusuar në ngritjen e mirëbesimit dhe afrimit mes njerëzve, pa dallim përkatësisë fetare dhe etnike, duke dhënë kontribut të veçantë gjatë ballafaqimit me sfidat më të mëdha të kohës. Kombi ynë është i kënaqur nga angazhimi i juaj në punën që po bëni”, tha Oto Van Vegenberg.
Ndërsa Mulla Sula nga ana e tij, tha se këtë mirënjohje nuk e konsideron si të rastësishme.
“Të gjitha angazhimet e mia, të gjitha përpjekjet e mia, të gjitha kontributet e mia, gjithnjë kanë qenë dhe janë në një linjë me ato të SHBA-ve, deklaroi efendi Sulejman Rexhepi. /tesheshi.com/
