Edhe pse ishin shtuar zërat, sidomos nga pushteti se Demarkacioni do mbyllej këtë javë, kjo gjë nuk do të ndodhë. Njeriu që dje në opozitë e bllokoi, e sot në pushtet kërkon ta kalojë, Ramush Haradinaj, lajmëroi shtyrjen dhe tha se e marta e ardhshme do jetë dita e riardhjes në parlament për miratim.
“Seanca për demarkacionin të martën në ora 14:00”, tha Haradinaj i pyetur nga gazetarët.
Por siç mund të hamendësohet, pamjaftueshmëria e votave është ajo që po çon Demarkacionin nga shtyrja në shtyrja, deri në kufinjtë e një humori (hajgareje).
Zyrtarë të AAK-së janë shpresëplotë se kthimi tek ata i deputetes Donika Kadaj-Bujupi, do mund ta mundësojë kalimin e marrëveshjes së kufirit me Malin e Zi, por fakti që shtyhet sërish e përgënjeshtron këtë. /tesheshi.com/
