E pabesueshme por e vërtetë! Ish-deputeti socialist, Koço Kokëdhima, njeriu që është sulmuar aq shumë nga PD-ja, madje për dy vjet ka qenë i sulmuari kryesor nga Sali Berisha, tani po bëhet gati të bëhet banori më i ri i “Çadrës së Lirisë” që është instaluar prej 18 shkurtit poshtë zyrës së Edi Ramës.
Kokëdhima, përfaqësues e drejtues i lëvizjes “Zgjidhja” ka bërë gati të japë sulmin final ndaj ish-mikut të tij. Për gjysëm orë Kokëdhima ka pasur një takim me Lulzim Bashën në Rogner, dhe pritet që të lëshojë një deklaratë të fortë kundër Ramës.
Ndërkaq, Kokëdhima në faqen e tij, në lidhje me këto takime thekson se:
“Drejtuesi i lëvizjes Zgjidhja, ashtu si dhe në javët e kaluara, është duke zhvilluar takime intensive me të gjithë drejtuesit e partive politike në vend në kuadër të përpjekjeve për zgjidhjen e krizës politike ku është futur vendi pas nisjes së protestës së opozitës më 18 shkurt dhe këmbënguljes së qeverisë për të shkuar në zgjedhjet parlamentare të 18 qershorit edhe pa opozitën”. /tesheshi.com/
