Taulant Muka, i konsideruar dhe si shkencëtar në fushën e mjekësisë, nuk a ka shtyrë më shumë se dy javë si zv/ministër Arsimi. Ai ka dhënë dorëheqjen me një motivacion të shkurtër, ku qartazi duket se realiteti me të cilin është përballur nuk ka qenë ai që ka menduar apo imagjinuar, para se t’i besohet detyra e lartë shtetërore.
“Për arsye etike, morale dhe profesionale dhe të papajtueshmërisë që unë kam me modelin e punës të aplikuar në Ministrinë e Arsimit, Sportit dhe Rinisë ju paraqes dorëheqjen time të parevokueshme nga posti i zëvendësministrit të Arsimit, Sportit dhe Rinisë.”, thuhet në motivacionin e Taulant Mukës.
Emërimi i tij nga kryeministri Rama qe i bujshëm, siç qe e bujshme dhe dorëheqja e paraardhësit të tij, Ervin Demo, mu për shkak se ia denoncoi në public plagjiaturën e doktoraturës.
Pasi morri detyrën, Muka rrëfeu për pasionin e tij ndaj arsimit, dëshirës për të kontribuuar në reformimin e tij, dhe tha se ishte i kënaqur nga detyra që Rama ia besoi. Por dy javë më pas, siç dallohet dhe nga fjalët në motivacion, ai nuk ka mundur t’ja dalë. Për faj të vetë atij apo të ambientit ku është ndodhur, njerëzve me të cilët është përballur në punë, kjo vështirë të thuhet gjersa mungojnë të dhëna më të detajuara. /tesheshi.com/
