Në pavionin Expo në Zimbabve ka mbërritur një risi e veçantë në ushqim. Bëhet fjalë për hamburgerin e zebrës. Deri më tani rrinë në stok dhe presin që të shiten rreth 1 mijë kilogramë hamburger të tillë, ndërsa 10 mijë të tjerë janë gati për të shuar kureshtjen e vizitorëve.
Shija e re ka hyrë në panine me një fletë sallate jeshile dhe një cope djathi, të cilët shiten vetëm në banak. Hamburgeri zebër shkon shumë me pak lëng baobabi, ndërsa në Expo mund të provohen dhe shijohen ushqime nga më të ndryshmet, të cilat janë kryesisht të reja dhe të pandiera më parë.
“Mishi i zebrës është shumë i dobët. Ai përmban 0.5 gramë yndyrna në 100 gramë mish. Është i pasur me proteina dhe përdoret shumë nga sportistët. Në Zimbabve kjo është një kafshë e shenjtë, e cila nuk gjuhet si puna e kaprollit apo kafshëve të tjera”,- shpjegohet në ekspozitë.
Falë ndryshimeve të fundit të bëra në legjislacion, tani zebra përfiton lëvizje të lirë në Europë dhe konsumohet në shumë shtete, edhe pse jo në sasi të mëdha, e kjo për shkak të kulturës./tesheshi.com/
